रायपुर, 05 मार्च 2021। वन परिक्षेत्र बागबाहरा के खल्लारी परिवृत्त के अंतर्गत रैताल पहाड़ी क्षेत्र म आगी लगईया अऊ वन्य प्राणी मन के अवैध शिकार करे के उदीम करत सबो 9 आरोपी मन ल गिरफ्तार कर के जेल भेज दे गए हे। वन अउ जलवायु बदलाव मंत्री श्री मोहम्मद अकबर के निर्देशन अऊ प्रधान मुख्य वन संरक्षक अउ वन बल प्रमुख श्री राकेश चतुर्वेदी के मार्गदर्शन म वन विभाग कोति ले वन के सुरक्षा अऊ वन अग्नि एपर नियंत्रण अऊ निगरानी के उद्देश्य ले सरलग अभियान चलाए जात हे।
वन मंडलाधिकारी महासमुंद श्री पंकज राजपूत के बताती ये तारतम्य म विभागीय अमला ह 2 मार्च के खल्लारी परिवृत्त के रैताल परिसर म जंगल के जांच करत रहिन। उहां वन्य प्राणी मन के अवैध शिकार के उद्देश्य ले जंगल म आगी लगावत 9 आरोपी मन ल मौका म ही धर-दबोचे गीस। एके नजर म ओ सबो 9 आरोपी मन ल अवैध शिकार आदि के उद्देश्य ले जंगल म आगी लगाय जइसे अपराध ल कारित करना पाए गीस। एला देखत मौका म पंचनामा तियार करके आरोपी मन ल अपराध म संलिप्त जाल अऊ हथियार अऊ आगी लगाय संबंधी सामान ल जप्त करके ऊंखर विरूद्ध वन अपराध के तहत प्रकरण दर्ज करे गए हे। संगेच ओ मन ल अभी हाल म न्यायिक रिमांड म महासमुंद जेल भेज दे गए हे।
जंगल म आगी लगईया मन के अब खैर नइ हे: रंगे हाथ पकड़ाए सबो 9 आरोपी मन ल जेल
