जशपुरनगर, छत्तीसगढ़ शासन कोति ले जशपुर जिला के लइका मन ल स्वामी आत्मानंद शासकीय उत्कृष्ट विद्यालय मन के माध्यम ले अच्छा शिक्षा देहे खातिर सार्थक प्रयास करे जात हे। जिला म 08 विकासखण्ड म स्वामी आत्मानंद शासकीय उत्कृष्ट अंगरेजी माध्यम अउ 01 हिन्दी माध्यम विद्यालय के संचालन करे जात हे। पालक अउ लइका मन म घलोक उत्साह बने हे अऊ लइका मन नियमित विद्यालय म अध्ययन करत हें। पालक मन ह खुशी जतात बताईन के छत्तीसगढ़ शासन कोति ले लइका मन बर शासकीय अंगरेजी माध्यम स्कूल के सुविधा सब्बो विकास खण्ड म कराए गए हे जिहां लइका मन ल निजी स्कूल के तर्ज म ही शासकीय स्कूल म शिक्षा देहे जात हे। सबो विकासखण्ड के अंगरेजी माध्यम स्कूल मन म करीबन 3800 सीट निरधारित करे गए हे। एमां ले 3500 सीट म प्रवेश लेके लइका मन पढ़ाई करत हें।
वनांचल के लइका मन घलोक अब निजी स्कूल के तर्ज म शासकीय अंगरेजी माध्यम स्कूल म करत हें पढ़ई
