रहपुर, 03 अगस्त 2021 म्ंगल। छत्तीसगढ़ म किसान मन के आय म बढ़ौतरी संग उंच गुणवत्ता वाले फसल मन के उपजाए बर एक्सटेंशन रिफॉर्म्स आत्मा योजनान्तर्गत कृषि विभाग कोति ले उदीम करे जावत हवय। उही लरी म कोण्डागांव जिला के फरसगांव के भुमका, पासंगी, चिचाड़ी, भण्डारसिवनी अउ पतोड़ा के किसान मन ल प्रेरित करके जैविक तरीक ले बासमती धान के उंच गुणवत्ता वाले फसल मन के उपजाए के बूता प्रारंभ करे गे हवय, जेकर तहत प्रारंभिक रूप ले आत्मा योजनांतर्गत 50 झिन किसान मन ल संघेर के उन ल बासमती धान उपजाए के प्रशिक्षण देहे गे हवय। एकर छोड़ उपरहा किसान मन ल धान के पारम्परिक खेती ले वैज्ञानिक तकनीक ले किसानी करे बर प्रेरित करे बर श्री विधि ले कतार म रोपई करवाके फोकट म बीज अउ वर्मी कम्पोस्ट खातू के वितरण करे गे हवय। हाल म बाजार म जैविक उत्पाद मन के उचित प्रतिफल प्राप्त हो जथे, तेकर सेति किसान मन ल जैविक पद्धति ले किसानी बर विशेष प्रशिक्षण देहे जावत हवय।
कृषि विभाग द्वारा एक्सटेंशन रिफॉर्म्स आत्मा योजना के अन्तर्गत ये पइत ग्राम पतोड़ा, भुमका, आलोर के किसान मन ह पहली दफे श्री विधि ले जायद म रागी फसल लगाये हवय, जेला लेके किसान मन म गजब उछाह दीखत हावय। ग्राम पतोड़ा के किसान जेठू राम अउ अभिमन्यु ह बताइन कि उन मन पहिली पइत श्री विधि ले रागी के फसल लगाए हावय, जेमे कमती खर्चा म जादा उपजथे काबर कि रागी के फसल म कम पानी के जरूरत होथे। विभाग कोति ले मिले मार्गदर्शन अउ सहायता ले उन मन ल हौसला मिले हे। उन मन ल देखके गांव के आने किसान मन तको श्री विधि ले रागी उत्पादन बर प्रेरित होवत हावय।