वनांचल के महिला मन अऊ लइका मन के बढ़े लगिस सुपोषण के स्तर

रायपुर, राज्य शासन कोति ले महात्मा गांधी के 150वां जयंती दू अकटूबर ले मुख्यमंत्री सुपोषण अभियान चलाके गर्भवती, शिशुवती महिला मन के संगें-संग कुपोषित लइका मन ल सुपोषित करे व्यापक अभियान चलाए जावत हे। अभियान के सकारात्मक अऊ व्यापक असर प्रदेश म दिखाई देहे लगे हे। धमतरी जिला के आदिवासी बाहुल्य नगरी विकासखण्ड के अंदरूनी गांव मन म घलोक लइका मन के वजन म बढ़ोतरी दर्ज करे गए हे। अभियान शुरू होए के महिना भर के भीतर बहुत अकन कुपोषित लइका मन के वजन म बढ़ोत्तरी दर्ज करे गए हे। योजना के तहत आहार टेबल म स्थानीय पोषक आहार सामिल करे ले हितग्राही मन म खाने के रूचि बाढ़े हे अऊ सुपोषण स्तर तेजी ले बढ़े लगे हे।