रायपुर, छत्तीसगढ़ के वाणिज्यिक कर मंत्री श्री टी.एस. सिंहदेव ह आज सिविल लाइन स्थित वाणिज्यिक कर कार्यालय म विभागीय काम-काज के समीक्षा करिन। उमन प्रदेश म जीएसटी संग्रहण बर विभाग कोति ले करे जात काम मन म संतोष जताइन। बैठक म उमन कहिन कि कर संग्रहण ले राज्य के विकास जुड़े हे। ए सेती एकर संग्रहण दृढ़ता ले करव। उमन कर संग्रहण म आवत तकनीकी अऊ व्यवस्थागत दिक्कत मन ल दूर करके लक्ष्य के मुताबिक जीएसटी संग्रहण के कार्यवाही के निर्देश दीन। श्री सिंहदेव ह वित्तीय साल 2018-19 म उत्कृष्ट काम करइया अधिकारी मन ल प्रमाण पत्र देके सम्मानित करिन अऊ उंखर उत्साहवर्धन करिन।
वाणिज्यिक कर मंत्री श्री टी.एस. सिंहदेव ह बैठक म रिटर्न फाइलिंग, लंबित कर मन के वसूली अऊ जीएसटी के प्रावधान ल लागू करे म विभाग कोति ले करे जात काम मन के घलोक समीक्षा करिन। ए बेरा म वाणिज्यिक कर विभाग के वरिष्ठ अधिकारी मन संग सबो डिवीजन अऊ सर्किल के अधिकारी मौजूद रहिन।