जगदलपुर, 10 जनवरी 2021। भारत सरकार के ट्राइफेड के प्रबंध निदेशक श्री प्रवीर कृष्ण ह कहिन के बस्तर क्षेत्र म आदिवासी मन कोति ले बनाए कला-कृति उत्पाद मन ल बढ़ावा देहे अऊ बाजार उपलब्ध करवाए बर ट्राइब्स इंडिया मार्केट के शुरुआत करे जात हे। एखर संगेच बस्तर जिला म इमली, महुआ, टोरा आदि वनोपज मन के प्रसंस्करण बर सेमरा म ट्रायफूड के स्थापना करे जाही। जेखर से जादा ले जादा आदिवासी मन ल लाभ मिलय। ये पहल आदिवासी मन ल आर्थिक रूप ले सशक्त करही।
आदिवासी कारीगर, उत्पादक अऊ एमएफपी इकट्ठा करइया मन के आय सृजन अऊ आजीविका म तेजी लाय बर बस्तर म ट्राइफेड एंड जिला प्रशासन के बीच एमओयू करे गए हे। ट्राइफेड के प्रबंध निदेशक श्री प्रवीर कृष्णा अऊ कलेक्टर श्री रजत बंसल ह एमओयू म हस्ताक्षर करिन। एमओयू के माध्यम ले जिला म एमएसपी म जादा उत्पाद ल सामिल करना, सेमरा म फूड प्रॉसेसिंग प्लांट के स्थापना, जिला प्रशासन कोति ले प्रदान करे कारीगर मन के पंजीकरण, ट्राइबल स्टार्ट अप इको सिसटम बर लॉन्ग टर्म फंड फिजिबिलिटी, शीर्ष भारतीय कला संस्थान ले बस्तर के कला अऊ शिल्प ल जोड़ना, बस्तर क्षेत्र के वन धन समिति ल ट्रायफेड के ट्राइफूड प्रोजेक्ट अऊ जिला प्रशासन के मध्य जोड़ना जइसे विषय उपर सहमति बने हे।
वनोपज संग्रहक, स्थानीय शिल्प कारीगर मन के आर्थिक विकास बर ट्राइफेड एंड जिला प्रशासन ह करिस एमओयू
