पायलट प्रोजेक्ट के रूप म बस्तर अंचल ले शुरू होही दू नवा योजना
छत्तीसगढ़ के वनवासी मन ल अब पौष्टिक आहार मिलही अऊ हॉट बाजार म मिलही चिकित्सा सुविधा
रायपुर, मुख्यमंत्री श्री भूपेश बघेल ह आज प्रदेश के वनवासी मन बर दू नवा योजना मन के घोषणा करे हें। स्वास्थ्य अऊ पोषण ले जुड़े ये योजना मन वनवासी मन के जीवन स्तर ल बढ़ाए म अहम भूमिका निभाही। छत्तीसगढ़ सरकार वनांचल क्षेत्र के मनखे मन ल पौष्टिक आहार प्रदान करे के संगेच मोबाईल चिकित्सा के माध्यम ले हॉट बाजार मन म स्वास्थ्य सेवा मुहैया कराही। ये योजना मन देश म अपन किसिम के अनूठी योजना होही। पायलट प्रोजेक्ट के रूप म ए योजना मन के शुरूआत छत्तीसगढ़ के बस्तर अंचल ले करे जाही। मुख्यमंत्री श्री भूपेश बघेल आज इहां रायपुर के महादेव घाट म आयोजित हरदिया साहू समाज के वार्षिक सम्मेलन ल संबोधित करत ए योजना मन के घोषणा करिन।
