मुख्यमंत्री श्री भूपेश बघेल 14 अगस्त के लेखक श्री सतीश जायसवाल ल वसुंधरा सम्मान ले करहीं सम्मानित

रायपुर, 13 अगस्त 2021। मुख्यमंत्री श्री भूपेश बघेल 14 अगस्त के अपन निवास कार्यालय म आयोजित समारोह म सुप्रसिद्ध लेखक श्री सतीश जायसवाल ल 21वां वसुंधरा सम्मान ले सम्मानित करहीं। समारोह के आयोजन महात्मा गांधी के परिकल्पना के विनम्र ग्रामसेवक स्वर्गीय देवी प्रसाद चौबे के 45वां पुण्यतिथि के अवसर म लोक जागरण के मासिक पत्रिका वसुंधरा कोति ले करे गए हे। संस्कृति विभाग छत्तीसगढ़ शासन अउर श्री चतुर्भुज मेमोरियल फाउंडेशन के सहयोग ले आयोजित ये समारोह के अध्यक्षता संस्कृति मंत्री अमरजीत भगत करहीं। प्रबंध सम्पादक डॉ. हिमांशु द्विवेदी समारोह ल मुख्य वक्ता के तौर म संबोधित करहीं।
ये जानकारी देवत वसुंधरा सम्मान के संयोजक श्री विनोद मिश्र, आयोजन समिति के अध्यक्ष श्री अरुण श्रीवास्तव, सचिव श्री मुमताज मन ह बताइन कि समारोह म स्व. देवीप्रसाद चौबे के पुत्र श्री प्रदीप चौबे अऊ कृषि अउर जल संसाधन मंत्री श्री रविंद्र चौबे विशेष रुप ले उपस्थित रइहीं। साल 2001 ले सरलग चलत वसुंधरा सम्मान अब तक सर्वश्री रमेश नैयर, कुमार साहू, श्यामलाल चतुर्वेदी, बसंत कुमार तिवारी, बबन प्रसाद मिश्र, दिवाकर मुक्तिबोध, आशा शुक्ला, शरद कोठारी, गिरिजा शंकर, हिमांशु द्विवेदी, विनोद शंकर शुक्ल, ज्ञान अवस्थी, श्याम वेताल, अभय किशोर, गिरीश पंकज, सुशील त्रिवेदी, बी.के.एस.रे, प्रकाश दुबे, तुषार कांति बोस, ई.वी. मुरली ल देहे गए हे।
समारोह म ‘लोक जागरण‘ के मासिक पत्रिका वसुंधरा के 58वां अऊ कला, साहित्य, संस्कृति के मासिक पत्रिका बहुमत के 109वां अंक के लोकार्पण घलोक करे जाही। वसुंधरा के ये अंक छत्तीसगढ़ के 11 कहानीकार मन के प्रतिनिधि कहानी मन उपर केंद्रित हे।