सामुदायिक बाड़ी ले जुड़के मॉडल गौठान रजौटी के चम्पा स्व-सहायता समूह के महिला मन आर्थिक रूप ले बनत हें सबल

जशपुरनगर, जशपुर जिला म गौठान के माध्यम ले स्व-सहायता समूह के महिला मन ल आर्थिक रूप ले सशक्त बनाए खातिर कई प्रकार के आजीविका मूलक योजना ले जोड़े जात हे। जेखर से ओ मन आत्मनिर्भर बन सकयं अऊ अपन परिवार के आर्थिक मदद कर सकयं। इही कड़ी म कांसाबेल के मॉडल गोठान ग्राम रजौटी गौठान के चम्पा स्व-सहायता समूह के महिला मन मल्टीएक्टीविटी के तहत गोठान के जमीन म सामुदायिक बाड़ी म सब्जी उत्पादन बर 0.400 हे. जमीन के चयन करे हें। जेमां जिला प्रशासन के सहयोग ले ड्रीप सिसटम लगाए गए हे।
समूह के महिला मन ह बताइस कि सामुदायिक बाड़ी म सब्जी उत्पादन बर उद्यान विभाग अऊ एनआरएलएम विभाग कोति ले उचित मार्गदर्शन देहे गए हे। समुह के सदस्य मन सब्जी अऊ मसाला उत्पादन बर उद्यान विभाग अऊ एनआरएलएम विभाग के तकनिकी सलाह के मुताबिक उन्नत विधि ड्रीप सिसटम अऊ मल्चिंग के उपयोग करत सब्जी उत्पादन के काम करत हें। सामुदायिक बाड़ी म लगाए गए सब्जी स्थानीय बाजार बेंचे जात हे अऊ मसाला बर हल्दी, धनिया, मिर्च पाउडर उत्पादन करके जिला म स्थापित सी-मार्ट म मांग के मुताबिक मसाला भेजत हें। उमन बताइन कि सामुदायिक बाड़ी म गौठान के जमीन म सब्जी अऊ मसाला उत्पादन काम बर टमाटर, बैंगन, मिर्च, कद्दूवर्गीय, आलू, हल्दी, प्याज, भिण्डी, धनिया, अदरक अऊ सब्जी के रोपण करे गए हे। जेमां समूह ल 20 हजार के लागत आए हे। उमन बताइन कि बाड़ी म सब्जि मन के उत्पादन अच्छा होए हे। जेखर से अब तक उमन 1 लाख 35 हजार रुपिया कमाए हें।