– कलेक्ट्रेट ले सुरू होइस वाहन, तीनों ब्लाक म सरलग घूमही
दुर्ग, 16 अप्रैल 2020। डोनेशन आफ व्हील्स आज दुर्ग के कलेक्ट्रेट ले रवाना होइस। तीनों ब्लाक मन बर ये वाहन ल रवाना करे गीस। ये वाहन घूम-घूमके दानदाता मन ले धनराशि अऊ सामान सकेलही। एकर उपयोग आपदा पीड़ित मन बर करे जाही। ये संबंध म कलेक्टर श्री अंकित आनंद ह मनखे मन ले अपील करे हें के डोनेशन आफ व्हील्स के प्रयोग ए खातिर करे गए हे ताकि आप मन अपन घर ले ही दान कर सकव। उंकर कहना हे के हमर ले बहुत झन सेवाभावी मनखे मन ह संपर्क करे रहिन। उंखर दिक्कत ये रहिस के ओ मन लाकडाउन के सेती ले घर ले बाहिर नइ निकल सकत हें फेर दान करे के इच्छुक हें। अइसन मनखे मन ल एकर से सुविधा मिल सकही।
जानबा हे के मुख्यमंत्री श्री भूपेश बघेल ह घलोक आपदा पीड़ित मनबर मदद करे के अपील आम नागरिक मन ले कतम हें। एखर बर मुख्यमंत्री कोविड रिलीफ फंड म राशि जमा करे जा सकत हे। अइसनहे जिला प्रशासन के कोविड रिलीफ फंड म घलोक राशि जमा करम जा सकत हे। डोनेशन आफ व्हील्स म कोरोना संक्रमण ले संबंधित जागरूकता बर घलोक बहुत अकन जिंगल्स हे जेकर माध्यम ले मनखे मन ल कोराना संक्रमण ले बचे के जानकारी मिलही। जिला पंचायत सीईओ श्री कुंदन कुमार ह बताइस के डोनेशन आफ व्हील्स पूरा आबादी ल कवर करही ताकि जऊन घलोक सेवाभावी नागरिक हें ओ मन ल घर म रहके ही सहयोग करे के अवसर मिल सकही।
