भेंट-मुलाकात: वर्मी कम्पोस्ट के बारे म मुख्यमंत्री ह गांव वाले मन ले जानकारी लीन

गुरुर, भेंट-मुलाकात म वर्मी कम्पोस्ट उपर मुख्यमंत्री ह गांव वाले मन ले जानकारी लीन। उहाँ आए यदुश्वरी ह कहिस कि वर्मी म बढ़िया लाभ होय हे। हमन 250 क्विंटल बनाय हन। पइसा अभी नइ आए हे। मुख्यमंत्री ह कहिन, काली रायपुर जाहूँ अऊ पईसा आप मन के खाता म आ जाही।
किसान मन बताइन के कुछ किसान मन अपन खेत म वर्मी डाले हें अऊ कुछ मन रासायनिक, त कुछ मनखे मन दुनों। एक किसान ह बताइस कि वर्मी म बढ़िया लाभ हे।
उहां आए मोहित मराठा ह कहिस के तालाब म गंदा पानी जात हे। गुरुर नगर पंचायत म आवेदन देथंव त कहिथें के अइसे कोनो योजना नइ हे जेकर से रोके जा सकय। आप समाधान देवव। ए बात ऊपर मुख्यमंत्री ह कहिन के आप के समस्या हल करबो।
बिजली बिल म मिलत राहत के बारे म घलोक मुख्यमंत्री ह जनता ले जानकारी लीन। हितग्राही मन ह विस्तार ले येकर बारे म बताइन। मुख्यमंत्री ह गांव वाले मन ल बताइस कि बिजली बिल हाफ योजना बर 2200 करोड़ हमन देहे हन।