सूरजपुर, 03 अकटूबर 2020। सोनगरा गौठान विकासखंड प्रतापपुर म शिक्षा मंत्री के प्रतिनिधि श्री कुमार सिंहदेव के उपस्थिति म वर्मी कंपोस्ट निर्माण परिचर्चा के आयोजन करे गीस, जेमा कृषि विज्ञान केंद्र अजरिमा ले आये वैज्ञानिक श्री वीरेंद्र तिग्गा ह वर्मी कंपोस्ट निर्माण के बारीकी मन ल महिला स्व सहायता समूह ल विस्तार पूर्वक बताइस। एकर संगेच उमन प्रोत्साहित करत कहिन के अवइया बेरा म तूमन बटेर पालन, कड़कनाथ मुर्गी पालन, मछ्ली पालन गौठाने म करके अकतहा आय के जरिया बंना सकत हव। ए बात म खुसी जाहिर करत मंत्री प्रतिनिधि ह विधायक मद ले राशि देवाए के घलव बात कहिन।
जानबा हे के खाद निर्माण के प्रक्रिया के बारे म स्थानीय ग्रामीण कृषि विस्तार अधिकारी अभिषेक सिंह ह सरलग देवत हे। वोकर बताती के महिला समूह ह पहिली चरण के खाद निर्माण के प्रक्रिया पूरा कर लेहे हे, अब खाद के सैम्पल लाभांडी रायपुर जांच बर भेजे के प्रक्रिया जारी हे, विधायक प्रतिनिधि ह महिला मन ल कृषि पंचाग के बांटिन अऊ वर्मी कम्पोस्ट बनाए बर 20 किलों केचुआ(गेंगरूवा) तको बांटिन।
