सोरगा गौठान के दू महिला समूह मन ह वर्मी कम्पोस्ट ले कमईन 1.81 लाख रूपिया के मुनाफा

कोरिया, गोधन न्याय योजना के तहत गोबर ले वर्मी खाद बना के कोरिया जिला के ग्राम सोरगा गौठान के दू स्व-सहायता समूह ल 01 लाख 81 हजार रूपिया के कमई होए हे। सोरगा गौठान म पंकज स्व-सहायता समूह अऊ मां कुदरगढ़ी स्व-सहायता समूह कोति ले वर्मी कम्पोस्ट के उत्पादन करे जात हे। योजना के शुरुआत ले अब तक इहां समूह कोति ले कुल 350.80 कुंटल खाद उत्पादन करे गए हे। ये मां ले समूह कोति ले 267 क्विंटल खाद के अब तक विक्रय करे जा चुके हे। दुनों समूह मन ल खाद के विक्रय ले कुल 01 लाख 81 हजार 440 रुपए के शुद्ध आय होए हे।
जानबा हे के कोरिया जिला म गोधन न्याय योजनांतर्गत 11 हज़ार 779 गोबर बेंचईया मन कोति ले कुल 2 लाख 60 हज़ार 912 क्विंटल गोबर विक्रय करे गए हे जेखर एवज म 05 करोड़ ले जादा राशि शासन कोति ले भुगतान घलोक बेंचईया मन के बैंक खाता म करे गए हे। जिला म क्रय करे गए गोबर ले स्‍व सहायता समूह मन कोति ले अपन आजीविका विकास बर वर्मी खाद अऊ सुपर कंपोस्ट के उत्पादन करके लाभ अर्जित करे जात हे।