बेमेतरा, जिला के विकासखण्ड नवागढ़ के ग्राम मुड़पार के किसान हरदास मोहर के खेत म केन्द्र प्रवर्तित प्रधानमंत्री आदर्श ग्राम योजना अंतर्गत किसान ल कृषि विभाग के वरिष्ठ कृषि विकास अधिकारी श्री आर. के. चतुर्वेदी के मार्गदर्शन मे गोधन न्याय योजना अन्तर्गत 5 क्विंटल वर्मी कम्पोस्ट खाद धान खेत (किस्म महामाया) म प्रदर्शन बर निःशुल्क वितरण करे गीस। 3 एकड़ मे बोवाई के समय वो ह ये खाद के उपयोग करिस। करीबन 2 महिना बाद हरदास ह बताइस कि पउर साल के तुलना म खेत के माटी कोंवर हो गए हे अऊ जमीन के जल धारण क्षमता म कबढ़ोतरी होए हे सूखा के स्थिति होए म घलोक खेत म नमी संचित हे अऊ धान के फसल आन क्षेत्र के तुलना म जादा हरियर दिखत हे अऊ कीट व्याधि के प्रकोप कम होय हे। वर्मी कम्पोस्ट उपयोग करे म अभी हाल के फसल म दिखत लाभ ल देखत वो ह अवइया साल म अपन जम्मो खेत म वर्मी कम्पोस्ट खाद के उपयोग करहूं कहत हे।
जम्मो खेत म करहूं वर्मी कम्पोस्ट के उपयोग : मुड़पार के किसान हरदास
