- 69 गौठान मन के माध्यम ले गोधन न्याय योजना के बेहतर क्रियान्वयन करे जात हे
- किसान अउ स्व-सहायता समूह के महिला मन योजना के लाभ लेके आर्थिक रूप ले बनत हें मजबूत
- उन्नत तकनीकी के गोबर म गेंगरूवा (केचुआ) डालके वर्मी खाद तियार करे जात हे
जशपुरनगर 14 अगस्त 2020। कलेक्टर श्री महादेव कावरे के मार्गदर्शन म छत्तीसगढ़ शासन के महत्वाकांक्षी योजना गोधन न्याय योजना के क्रियान्वयन जिला म सार्थक रूप ले करे जात हे। योजना के अंतर्गत गौठान के समिति मन के अध्यक्ष के सहकारिता बैंक म खाता खोले गए हे अऊ वोखर माध्यम ले गोबर विक्रय करइया हितग्राही मन ल भुगतान करे जात हे। गोधन न्याय योजना के शुभारंभ हरेली पर्व के अवसर म 20 जुलाई 2020 के प्रदेश स्तर ले जिला स्तर म करे गए रहिस। शुभारंभ के बाद ले ही हितग्राही मन अपन पशु मन के गोबर के विक्रय करे गौठान म पहुचत हें अऊ ओ मन ल आर्थिक लाभ घलोक मिलत हे। संगेच एकर से ग्रामीण अर्थव्यवस्था ल मजबूती मिलत हे।
जशपुर जिला के ग्राम पंचायत मन के 64 गौठान अऊ नगरीय निकाय के 5 गौठान कुल 69 गौठान मन के माध्मय ले गोबर खरीदी करे जात हे। जिला म पशुपालक मनके संख्या 12089 हे। अभी हाल म गौठान मन के माध्यम ले 2 लाख 73 हजार 309 किलो गोबर क्रय करे गए हे। जशपुर विकासखंड के ग्रामपंचायत गम्हरिया गौठान म स्व-सहायता समूह के महिला मन गोबर म केचुआ डालके वर्मी खाद तियार करत हें ताकि किसान मन ल अच्छा गुणवत्ता वाला वर्मी खाद उपलब्ध कराए जा सकय। शासन के गोधन न्याय योजना ग्रामीण क्षेत्र मन के किसान मन, स्व-सहायता समूह के महिला मन बर कल्याणकारी कदम साबित होवत हे। महिला अऊ पुरूष मन बड़ संख्या म गौठान ले जुड़के आत्मनिर्भर बनत हें। संगेच शासन के कल्याणकारी योजना के सहराहना करत छत्तीसगढ़ शासन अऊ जिला प्रशासन ल धन्यवाद देवत हें।
