रायपुर, 16 मार्च 2021। जिला के धरसीवां विकासखंड के दतरेंगा गांव के महिला मन ह गोबर ल वर्मीकम्पोस्ट म बदले के हुनर सीखे हे। ये हुनर ले ओमन ल रोजगार मिले के संग आमदनी घलो मिले लगे हे।
गांव के गौठान के तीर वर्मीकम्पोस्ट उत्पादन इकाई बनाये गए हे। इहां गांव के दू सौ ले घलो जादा गाय रथे अऊ ओमन ल इहां छाया, पानी अऊ भोजन मिलथे। ग्वाला द्वारा उंखर चराये के काम घलो करे जाथे। एखर ले गौठान म बड़का मात्रा म गोबर मिलथे। पहिली इहां नाडेप स्ट्रक्चर के माध्यम ले गोबर ल खाद म बदले के कार्य करे जावत रहिस। अब वर्मीकम्पोस्ट उत्पादन के कार्य सीखे के उपरांत राधा स्व-सहायता समूह के महिला मन ह केचुआ के माध्यम ले उत्तम गुणवत्ता के जैविक खाद बनावत हे। समूह के अध्यक्ष रेणुका सपाहा ह बतइन कि निर्मित खाद ल सोसायटी के माध्यम ले किसान अऊ ग्रामीण मन ल बेचे के कार्य प्रारंभ होगे हे अऊ महिला मन ल लाभ के राशि घलो मिले लगे हे।