मुख्यमंत्री श्री बघेल ह नाबार्ड के अध्यक्ष ले वीडियो कॉन्फ्रेंसिंग के माध्यम करिन चर्चा
बहुउद्देशीय बोधघाट सिंचाई परियोजना अऊ सुराजी ग्राम योजना बर मांगिन सहयोग
गौठान मन म लघु प्रसंस्करण प्लांट मन के स्थापना, कोल्ड स्टोरेज चैन विकसित करे, बस्तर के युवा मन ल रोजगार ले जोड़े बर करिन वित्तीय मदद के आग्रह
रायपुर, 11 जुलाई 2020। मुख्यमंत्री श्री भूपेश बघेल ह राष्ट्रीय कृषि अउ ग्रामीण विकास बैंक के अध्यक्ष श्री जी.आर. चिंताला के संग वीडियो कॉन्फ्रेंसिंग के माध्यम ले छत्तीसगढ़ म कृषि अऊ ग्रामीण विकास ले जुड़े कई ठन गतिविधि अउ अधोसंरचना मन के विकास के संबंध म विचार-विमर्श करिन। मुख्यमंत्री ह कहिन के नाबार्ड के सहयोग ले छत्तीसगढ़ म कृषि अऊ ग्रामीण क्षेत्र संग बहुत अकन क्षेत्र मन म विकास के बहुत अकन काम होए हे, जऊन मील के पत्थर साबित होए हे। नाबार्ड के माध्यम ले प्रदेश के ग्रामीण अर्थव्यवस्था के विकास बर बहुत अकन काम होए हे, अभी घलोक बहुत कुछ करे के जरूरत हे। ये आयोजन नाबार्ड के 12 जुलाई के स्थापना दिवस के अवसर म करे गीस। मुख्यमंत्री ह नाबार्ड के अध्यक्ष श्री चिंताला संग अधिकारी-कर्मचारी मन ल स्थापना दिवस के बधाई अऊ शुभकामना दीन। ये बेरा म कृषि अउ जल संसाधन मंत्री श्री रविन्द्र चौबे उपस्थित रहिन। नाबार्ड के अध्यक्ष श्री चिंताला अऊ उप प्रबंध निदेशक श्री पी.वी.एस. सुरुज कुमार मुम्बई ले वीडियो कॉन्फ्रेंसिंग के साथ जुडि़न।
