प्रधानमंत्री ह आज नई दिल्ली ले सबो राज्य के मुख्यमंत्री मन के संग कोरोना वायरस के संबंध म करिन वीडियो कॉन्फ्रेसिंग

रायपुर, 20 मार्च 2020। प्रधानमंत्री श्री नरेन्द्र मोदी ह आज नई दिल्ली ले सबो राज्य के मुख्यमंत्री मन के संग नोवल कोरोना वायरस (कोविड-19) के रोकथाम बर करे गए तियारी अऊ इंतजाम मन के संबंध म वीडियो कॉन्फ्रेसिंग करिन। मुख्यमंत्री श्री भूपेश बघेल घलोक वीडियो कॉन्फ्रेसिंग म सामिल होइन। ये बेरा म स्वास्थ्य मंत्री श्री टी.एस. सिंहदेव, मुख्य सचिव श्री आर.पी. मण्डल, भारत सरकार म संयुक्त सचिव श्रीमती ऋचा शर्मा, स्वास्थ्य विभाग के सचिव श्रीमती निहारिका बारिक, एम्स के डायरेक्टर डॉ. नितिन एम. नागरकर संग आन अधिकारी उपस्थित रहिन।