रायपुर 15 अप्रैल 2020। भारत सरकार के केबिनेट सेक्रेटरी श्री राजीव गौबा, कोति ले सबो राज्य मन के मुख्य सचिव, गृह सचिव, स्वास्थ्य सचिव, उद्योग सचिव अऊ पुलिस महानिदेशक के संग वीडियो कान्फ्रेसिंग के माध्यम ले कोविड-19 वायरस के रोकथाम अऊ नियंत्रण अऊ लॉकडाउन के क्रियान्वयन करे के संबंध म विस्तार ले समीक्षा करे गीस। छत्तीसगढ़ के मुख्य सचिव श्री आर.पी. मण्डल, अपर मुख्य सचिव गृह श्री सुब्रत साहू, प्रमुख सचिव वाणिज्य अउ उद्योग श्री मनोज पिंगुआ, सचिव स्वास्थ्य श्रीमती निहारिका बारिक सिंह, सचिव सामान्य प्रशासन विभाग श्री कमलप्रीत सिंह अऊ अकतहा पुलिस महानिदेशक श्री हिमांशु गुप्ता ह वीडियो कान्फ्रेसिंग म सामिल होइन।
मुख्य सचिव श्री आर.पी. मण्डल ह बताइस के छत्तीसगढ़ प्रदेश म 4933 मनखे के टेस्ट करे गए रहिस जेमां 33 पाजिटिव पाये गीस। ये भारत भर म सबले सबसे कम रहे हे। 28 जिला मन म ले 23 जिला मन म कोविड-19 के एको भी मरीज नइ हे। मुख्य सचिव ह कहिन कि कोविड-19 के संक्रमण के रोकथाम अउ ईलाज बर 500 बेड के हिसाब ले 1700 बेड डेडीकेटेड सुविधायुक्त हास्पिटल/यूनिट तियार हे। ओखर अलावा बहुत मात्रा म रैपिड टेस्टिंग किट्स, पर्सनल प्रोटेक्टिव इक्यूपमेंट (पी.पी.ई.) किट्स अऊ आन सामान उपलब्ध हे।
केबिनेट सेक्रेटरी कोति ले हुकुम देहे गे हे के अवइया 20 तारीक तक परीक्षण कर ले जाय के कोन-कोन से काम ल सोशल डिस्टेसिंग अऊ फिजिकल डिस्टेंसिंग करके करे जा सकत हे। ग्रामीण क्षेत्र मन म मनरेगा के काम, वाटर कन्जर्वेशन, सड़क, तालाब आदि ल सोशल डिस्टेंसिंग अऊ फिजिकल डिस्टेंसिंग करके करे जा सकत हे, जेखर से ग्रामीण क्षेत्र मन म रोजगार उपलब्ध कराए जा सकय। एखर ले अकतहा औद्योगिक क्षेत्र मन म कैम्पस के भीतर श्रमिक मन के रहे, खाए आदि के व्यवस्था होए म उद्योग मन ल चालू करे जा सकत हे। इन्टर स्टेट आवागमन म पाबंदी रइही। हाटस्पाट क्षेत्र मन लाकडाउन के कड़ाई ले पालन करे के जरूरत बताए गीस। एखर ले अकतहा कृषि काम, ग्रामीण विकास के काम अउ ग्रामीण क्षेत्र मन म आन रोजगार मूलक काम बर राज्य सरकार 20 तारीक तक निर्णय ले सकत हे।
