रायपुर, 12 अप्रैल 2020। मुख्यमंत्री श्री भूपेश बघेल के अध्यक्षता म आज इहां मुख्यमंत्री निवास म मंत्री मन अऊ अधिकारी मन के बैठक रखे गए रहिस। ये बैठक म मंत्रिपरिषद के सदस्य अऊ अधिकारी मन वीडियो कॉन्फ्रेंसिंग के माध्यम ले सामिल होइन।
बैठक म कोरोना वायरस के संक्रमण के रोकथाम बर लॉक डाउन बढ़ाए जाए के नई ये संबंध म बात करत कई ठन विभाग मन के काम मन के समीक्षा घलव करे गीस। मुख्यमंत्री श्री बघेल ह गांव वाले मन ल रोजगार देवाए, कृषि ले जुड़े तैयारी, पेयजल के स्थिति के संगेच सड़क-पुल पुलिया मन के काम चालू करे के हुकुम दीन। ये बैठक म मुख्य सचिव श्री आर पी मंडल, मुख्यमंत्री के अपर मुख्य सचिव श्री सुब्रत साहू, उप सचिव श्रीमती सौम्या चौरसिया संग कई ठन विभाग के सचिव घलोक उपस्थित रहिन।
