विकसित छत्तीसगढ़ ल संवारे हम इहां बनाथन कानून : मुख्यमंत्री

रायपुर, 12 फरवरी 2024। मुख्यमंत्री ह आज विधानसभा परिसर के निरीक्षण करे आये बेमेतरा के एकेडमिक वर्ल्ड स्कूल के लइका मन ले विधानसभा कार्यालय कक्ष म मुलाकात करिन अऊ उंखर जिज्ञासा मन के समाधान करिन। ए बेरा म उपमुख्यमंत्री श्री विजय शर्मा घलोक मौजूद रहिन। लइका मन विधायक श्रीमती भावना बोहरा के नेतृत्व म पहुंचे रहिन।
मुख्यमंत्री ह लइका मन ले कहिन कि आप मन जेन पूछना चाहत हव पूछव। उमन लइका मन ले पूछिन कि अब तक इहां का देखेव। लइका मन ह बताइन कि ओ मन सेंट्रल हाल गीन, विधानसभा के कार्रवाई देखीन अऊ इहां के लाइब्रेरी के निरीक्षण घलोक करिन। मुख्यमंत्री ह लइका मन ल बताइन कि ये सबले महत्वपूर्ण जगा ये जहां विधायक प्रदेश बर महत्वपूर्ण कानून तैयार करथें अउ प्रदेश ल आगू ले जाय के दिशा म काम करथें।