- जरूरतमंद, गरीब अऊ मजदूर मन ल बांटे गीस 120 पैकेट सूखा राशन
नारायणपुर, 7 अप्रैल 2020। लॉकडाउन के सेती कलेक्टर श्री पी एस एल्मा कोति ले आम नागरिक अउ संस्था मन ले जिला म दिहाड़ी मजदूर अऊ जरूरतमंद मनखे मन के आगू आके मदद के अपील करे गए रहिस। ये काम म ज़िला के व्यवसायी, नागरिक अऊ समाजसेवी संस्था मन के पूरा सहयोग मिले हे। सदगुरू सदा फल देव विहंगम योग संस्थान कोति ले जरूरतमंद, गरीब अऊ मजदूर मन ल 120 पैकेट सूखा राशन के वितरण करे गीस। जेमां दाल, चावल, आलू, हल्दी, मिर्च सामिल रहिस।
राज्य शासन के हुकुम के मुताबिक जिंकर तीर राशन कार्ड नइ हे। वो जरूरतमंद मनखे मन बर घलोक राशन के व्यवस्था करे के हुकुम देहे गए हे। हुकुम के मुताबिक नगर पालिका परिषद नारायणपुर ह अइसन परिवार जिंकर तीर राशन कार्ड नइ हे, ओ मन ल चिन्ह के 70 परिवार ल सूखा राशन देहे हे। उहें जिला के हरेक ग्राम पंचायत म दू क्विंटल चावल अऊ दाल देहे गए हे। जउन ल ज़रूरतमंद गाँव वाले मन ल बांटे जावत हे। ये बेरा म तहसीलदार श्री आशुतोष शर्मा संग नगर पालिका के आन अधिकारी-कर्मचारी अउ विहंगम योग संस्थान के सदस्य उपस्थित रहिन।