मुख्यमंत्री ह विजय दिवस म वीर जवान मन ल करिन नमन

रायपुर, मुख्यमंत्री श्री भूपेश बघेल ह प्रदेशवासी मन ल विजय दिवस के शुभकामना देवत देश के वीर जवान मन के शौर्य अऊ पराक्रम ल नमन करिन। श्री बघेल ह कहिन के भारत अऊ पाकिस्तान के बीच 1971 म होए युद्ध म पूर्व प्रधानमंत्री भारत रत्न श्रीमती इंदिरा गांधी के निर्देशन अऊ फील्ड मॉर्शल मॉनेक शॉ के नेतृत्व म भारतीय सेना ह शौर्य अऊ बलिदान के सर्वोच्च परम्परा के निर्वाह करत अदम्य साहस देखाइस। युद्ध म 16 दिसम्बर के दिन भारतीय जवान मन के जीत होइस अऊ पाकिस्तान के हजारों सैनिक मन ह आत्मसमर्पण करिन। एखर परिणामस्वरूप पाकिस्तान के विभाजन ले विश्व पटल म एक नवा देश बांग्लादेश के उदय होइस। ये श्रीमती इंदिरा गांधी जी के दृढ़ निश्चय अऊ पराक्रमी नेतृत्व के कमाल रहिस। इंदिरा जी डेराईस नहीं, न सैनिक मन के हौसला कम होन दीन। ये जीत ह हर भारतीय ल गौरवान्वित करिस। देश सदा ए वीर सपूत मन के ऋणी रहिही।