उपमुख्यमंत्री श्री शर्मा ह सनिच्चर वनांचल क्षेत्र के दौरा करिन अऊ वनांचलवासी मन ले करिन सीधा गोठ बात
उपमुख्यमंत्री ह वनांचल क्षेत्र के विकास कार्याे बर लगाईन सौगात मन के झड़ी
रायपुर, 31 दिसंबर 2023। छत्तीसगढ़ के उपमुख्यमंत्री अउ कवर्धा विधायक श्री विजय शर्मा सनिच्चर के वनांचल क्षेत्र म सघन दौरा करिन। डिप्टी सीएम श्री शर्मा भिनसरहा 8 बजे ले वनांचल के दौरा म निकले रहिन। सुदूर वनांचल क्षेत्र के रेंगाखार जंगल ले चिल्फी के मुख्यमार्ग म परइया जम्मो गांव मन म पहुंचके उहां के स्थानीय विशेष पिछड़ी बैगा जनजाति परिवार, किसान, ग्रामीणजन, महिला अऊ युवा मन ले सीधा गोठबात करिन। ये बेरा म उमन गांव वाले मन के मांग म सर्व समाज बर सामुदायिक भवन, सांस्कृतिक मंच, संग मूलभूत सुविधा मन बर घोषणा करिन एखर बाद उपमुख्यमंत्री श्री शर्मा वनांचल ग्राम बोक्करखार पहुंचिन। उमन वनांचल के सिवनीखुर्द, समनापुर, शीतलपानी, बहनाखोदरा, सिवनिकला चिल्फी अऊ बोक्करखार म सभा लीन। वनांचलवासी मन कोति ले उपमुख्यमंत्री श्री शर्मा के जगा-जगा फूल माला ले स्वागत करे गीस संगेच लोक पारंपारिक राउत नाचा ले घलोक स्वागत करत उमन ल मंच स्थल तक ले जाए गीस।
