उपमुख्यमंत्री श्री विजय शर्मा नक्सली हमला म घायल जवान ले मिले राते म श्री नारायणा हॉस्पिटल पहुंचिन

रायपुर, नक्सली मन ले मुठभेड़ म घायल डीआरजी के जवान रामचंद्र यादव ले मिले उपमुख्यमंत्री श्री विजय शर्मा देर रात राजधानी रायपुर के श्री नारायणा अस्पताल पहुंचिन। ए बेरा म उपमुख्यमंत्री ह घायल जवान ले ओखर हालचाल जानिन। उप मुख्यमंत्री श्री शर्मा ह घायल जवान ले घटना के जानकारी घलोक लीन।
उपमुख्यमंत्री श्री शर्मा ह कहिन के मुठभेड़ म 28 नक्सली मन के शव बरामद होए हे, सर्चिंग ऑपरेशन अभी घलो जारी हे। बिहनिया सर्चिंग करे जाही संभवत दू-तीन नक्सली मन के शव अऊ बरामद हो सकत हे। आज तक के नक्सल ऑपरेशन म जेन कांकेर म होए रहिस ओखर ले घलोक बड़का नक्सल ऑपरेशन होय हे। बहुत बड़ संख्या म एके-47, एसएलआर बरामद होय हे, बहुत अकन हथियार बरामद होए हे। ओ क्षेत्र म नक्सली मन के कमर टूट गए हे, पूरा कंपनी खतम हो गए हे। में नक्सली मन ले कहना चाहत हंव के सबो ल घर म वापस आना चाही। छत्तीसगढ़ के सरकार बने सरेंडर पालिसी के संग आगू आवत हे, मुख्य धारा म सबो लहुटव। बस्तर अऊ बस्तर के जल, जंगल अऊ जमीन बस्तरवासी मन के हे। उमन कहिन के बस्तर के विकास के मार्ग म बिछे आईईडी ल अब खतम कर देना चाही।