रायपुर, मुख्यमंत्री भूपेश बघेल ले इहां ऊंखर निवास कार्यालय म एबीपी न्यूज के कार्यकारी सम्पादक श्री विजय विद्रोही ह सौजन्य मुलाकात करिन। ये दौरान उमन मुख्यमंत्री श्री भूपेश बघेल ल अपन लिखे ‘90 सेकेंड के टीवी पत्रकारिता‘ नामके पुस्तक भेंट करिन। मुख्यमंत्री ह एखर बर ओ मन ल धन्यवाद दीन।
ये पुस्तक म श्री विद्रोही ह बताए हें कि कइसे टीवी पत्रकारिता म स्टोरी करे जाथे। 32 साल ले टीवी पत्रकारिता म सक्रिय श्री विजय विद्रोही बड़े चैनल मन म काम करे हें। अभी उमन एबीपी न्यूज के कार्यकारी सम्पादक हें। ये किताब के मदद ले पत्रकारिता म अवइया छात्र मन ल ये समझे म आसानी होही के टीवी पत्रकारिता म 90 सेकेंड के का अहमियत हे अऊ आज के दौर के कइसे रिपोर्टिंग करे जाथे। कइसे सूत्र बनाए जाथे अऊ कइसे टीवी स्क्रिप्ट लिखे जाथे। किताब के प्रकाशन नेशनल बुक ट्रस्ट कोति ले करे गए हे।
