विक्रम मंडावी ह अतिसंवेदनशील क्षेत्र इलमिडी के करीस दौरा

बीजापुर ले कुशल चोपड़ा, बीजापुर-विधायक अउ बस्तर विकास प्राधिकरण के उपाध्यक्ष विक्रम शाह मण्डावी ह आज उसूर ब्लाक के अतिसंवेदनशील ग्राम इलमिडी के दौरा करिस, जेमा आवापल्ली ले इलमिडी के बीच चलत सड़क निर्माण के घलोक निरीक्षण करिस, काम धीमी गति ले चलत देख के विधायक ह नाराजगी जताईस। सड़क निर्माण काम करइया कीस्टोन कंपनी के सुपरवाइजर ल सड़क निर्माण काम धीमा काबर हे, त सुरवाइजर के कहना रहिस के रोजेच पुलिस के तरफ ले सुरक्षा नइ मिलय। त विधायक महोदय ह तुरंत आवापल्ली एसडीओपी ल निर्माण काम मे लगे कम्पनी ल सुरक्षा प्रदान करे ल कहिन।
इलमिडी पहुंचे म इलमिडी के ग्रामीन मन ह पुष्प गुच्छ भेंट करके विधायक विक्रम मंडावी के  स्वागत करिन, विधायक ह  इलमिडी ग्राम म स्थित स्कूल, आश्रम, अस्पताल के निरीक्षण करिस। इलमिडी ग्राम म विधायक विक्रम शाह मण्डावी ह माता गुड़ी मंदिर अउ जुन्ना शिव मंदिर के घलोक दर्शन करिन। सबो जगा जऊन जऊन काम के मांग करे गीस, विधायक जी ह तुरंत जनपद पंचायत के  सीईओ, तहसीलदार अउ सम्बंधित अधिकारी मन ल तुरंत कार्य ल एक एक करके पूरा करे के निर्देश दीन।