सीमा ल अब खाना बनाए म नइ होही परेशानी उज्जवला योजना के मिलीस लाभ
मुंगेली जिला के ग्राम जरहागांव के गांधी मैदान म शिविर
रायपुर 17 दिसम्बर 2023। ‘‘विकसित भारत संकल्प यात्रा’’ के अंर्तगत मुंगेली जिला के ग्राम जरहागांव के गांधी मैदान म शिविर के आयोजन करे गीस। जिहां शासन के कई ठन योजना मन उपर आधारित प्रदर्शनी लगाए गीस अऊ मनखे मन ल शासन के योजना मन के जानकारी देहे गीस। शिविर म हितग्राही मन ले पात्रतानुसार फॉर्म भराए गीस। 500 ले जादा हितग्राही मन ह आवेदन करिन। उहें 23 मनखे मन के मौका म ही आयुष्मान कार्ड बनाए गीस अऊ एक हितग्राही श्रीमती सीमा कश्यप ल गैस चूल्हा प्रदान करे गीस। सीमा ह छत्तीसगढ़ शासन ल धन्यवाद देवत कहिस कि आज शिविर म आके ओ ल उज्जवला योजना के तहत गैस सिलैंडर अऊ चूल्हा देहे गीस। अब ओ ल खाना बनाए म कोनो प्रकार के परेशानी नइ होही। धुगिया ले घलोक मुक्ति मिल गए हे। विधानसभा क्षेत्र मुंगेली के विधायक श्री पुन्नूलाल मोहले, कलेक्टर श्री राहुल देव, पुलिस अधीक्षक श्री चंद्रमोहन सिंह, जिला पंचायत के मुख्य कार्यपालन अधिकारी श्री प्रभाकर पाण्डेय, जिला पंचायत सदस्य श्रीमती दुर्गा उमाशंकर साहू संग आन जनप्रतिनिधियों ह अवलोकन करिस अऊ छत्तीसगढ़ शासन के कई ठन योजनाओं ले पात्र हितग्राही मन ल लाभान्वित करे के निर्देश दीन।
