कांति, मालती, संतोषी, नथिया गैस चूल्हा पाके होइस खुश: खाना बनही लउहे

रायपुर, 17 दिसंबर 2023। विकसित भारत संकल्प यात्रा कार्यक्रम अन्तर्गत बालौद जिला के डौंडी लोहारा विकासखंड के ग्राम हरदी में पात्र हितग्राही मन ल प्रधानमंत्री उज्ज्वला योजना के तहत गैस कनेक्शन बांटे गीस। योजना के लाभ लेवइया श्रीमती कांति बाई साहू, श्रीमती मालती बाई, श्रीमती संतोषी बाई, श्रीमती नथिया बाई गैस चूल्हा पाके खुश हें। महिला मन ह बताइन कि पहिली चूलहा म जेवन बनाए परत रहिस तेमा अड़बड़ बेरा लगत रहिस। जेकर सेती आन काम म देरी हो जात रहिस। अब गैस चूल्हा म खाना बनाए म समय के बचत होही अउ हम अपन कीमती समय आन काम म लगा सकबो। उमन मुक्त कंठ ले सराहना करत प्रधानमंत्री श्री नरेन्द्र मोदी अउ मुख्यमंत्री श्री विष्णुदेव साय ल धन्यवाद कहिन।