धमतरी, 12 जनवरी 2024। धमतरी विकासखण्ड के ग्राम गंगरेल के लक्ष्मी अऊ माधुरी आज अड़बड़ खुश हे, काबर के उंखर रंधनी खोली ले अब धुंगिया के करूवई बंद हो गे। विकसित भारत संकल्प यात्रा के तहत गंगरेल म लगे संकल्प शिविर म गांव वाले मन के संगें-संग लक्ष्मी यादव अऊ माधुरी साहू घलोक पहुंचे रहिन। उमन शिविर म शासन के जनकल्याणकारी योजना मन के जानकारी लीन। संगेच प्रधानमंत्री उज्जवला योजना के तहत ओ मन ल मिले निःशुल्क गैस कनेक्शन के बारे म अपन कहानी अपन जुबानी सुनाईन।
महिला मन ह बताइन कि प्रधानमंत्री उज्जवला योजना के तहत ओ मन ल निःशुल्क गैस कनेक्शन मिले म ओ मन ल अड़बड़ खुश हे। पहिली ओ मन ल जेवन बनाए बर जंगल ले लकड़ी लाए जाना परत रहिस, जेखर से समय के बर्बादी तो होतेच रहिस, संगेच बरसा म लकड़ी मिलना घलोक मुश्किल हो जात रहिस। एखर अलावा बरतन-भाड़ा घलोक धुंगिया के सेती करिया जात रहिस अऊ स्वास्थ्य म घलोक उलटा असर परत रहिस। एखर से ओ मन ल अपन अऊ परिवार के स्वास्थ्य के चिंता होए लगे रहिस। लक्ष्मी अऊ माधुरी संकल्प शिविर म मिले गैस कनेक्शन ल हाथ म लेके प्रधानमंत्री श्री नरेन्द्र मोदी के धन्यवाद करत कहिन कि गैस कनेक्शन के मिल जाय ले उंखर रंधनी खोली अब धुआं ले मुक्ति पा गे, समय के बचत होइस अऊ स्वास्थ्य के चिंता ले घलोक मुक्त हो गेन।
धमतरी: विकसित भारत संकल्प यात्रा – मेरी कहानी मेरी जुबानी- लक्ष्मी अऊ माधुरी के आंखी करूवई होइस बंद
