रायपुर, मुख्यमंत्री श्री भूपेश बघेल ह भेंट-मुलाकात अभियान म भटगांव विधानसभा क्षेत्र के बिहारपुर म गांव वाले मन के मांग उपर सौगात मन के झड़ी लगा दीन। उमन गांव वाले मन, छात्रा, बहिनी अऊ संसदीय सचिव मन के आग्रह म बहुत अकन घोषणा करके सौगात मन के झड़ी लगा दीन अऊ उंखर दिल जीत लीन। मुख्यमंत्री ह बिहारपुर म बहिनी अऊ बेटि मन के आग्रह म पेयजल के समस्या के समाधान बर 24 गांव मन के क्लस्टर बर 24 करोड़ रूपिया के राशि ले नल जल योजना के घोषणा करिन। अइसनहे उमन क्षेत्र म बिजली के समस्या दूर करे बर सब स्टेशन के स्थापना बर बिजली विभाग ले परीक्षण कराए के आश्वासन दीन। मुख्यमंत्री ह संसदीय सचिव श्री पारसनाथ राजवाड़े के मांग म बिहारपुर म आईटीआई के स्थापना के मंजूरी दीन।
मुख्यमंत्री ह बहिनी, बेटी अऊ गांव वाले मन के मनमांगे मुराद करिन पूरा
