जशपुर, 03 सितंबर 2024। प्रधानमंत्री जनमन योजना के तहत विशेष पिछड़ी जनजाति वर्ग के मनखे मन ल शासन के जनकल्याणकारी योजना मन के सीधा लाभ मिलत हे। ए योजना ह पीवीटीजी (विशेष पिछड़ी जनजाति) परिवार बर सामाजिक अऊ आर्थिक उत्थान के एक नवा मार्ग प्रशस्त करे हे। जशपुर जिला म घलोक ए योजना के तहत विषेश पिछड़ी जनजाति समुदाय ल शासन के योजना मन के लाभ देवाए खातिर प्रशासन सरलग उदीम करत हे।
जशपुर जिला म प्रधानमंत्री जनजाति आदिवासी न्याय महाअभियान कार्यक्रम के तहत् पहाड़ी कोरवा समुदाय म जागरूकता लाय के उद्देश्य ले विशेष पिछड़ी जनजाति पहाड़ी कोरवा बाहुल्य क्षेत्र तहसील सन्ना के ग्राम पंचायत पण्ड्रापाठ के बरपाठ-02 म नवीन आंगबाडी केन्द्र जनवरी 2024 ले संचालित करे जात हे। ए आंगनबाड़ी केंद्र के माध्यम ले 06 शिशुवती माता मन ल तात जेवन के संगेच 28 पहाड़ी कोरवा लइका मन के विकास बर सुविधा उपलब्ध कराए जात हे। पीएम जनमन योजना अंतर्गत आंगनबाड़ी केन्द्र के संचालन के मुख्य उद्देश्य समुदाय म जागरूकता लाना, महिला अउ बाल विकास विभाग के कई ठन योजना मन ले लाभान्वित करना कुपोषण दर म कमी लाना, संस्थागत प्रसव ल बढ़ावा देना, मातृ मृत्यु दर, शिशु मृत्यु दर म कमी लाना हे।