खरोरा, 24 अगस्त 2020। सरलग होवत गौ तस्करी ले सजग ग्रामीण मन ह बीटे रात घेराबंदी करके गौ तस्कर मन ल पकड़ के उंखर कब्जा ले करीबन 25 मवेशी मन ल आजाद कराइस. गौ तस्करी ले नाराज ग्रामीण मन ह गाड़ी ल आगी लगा दिस, जेखर उपर पुलिस ह फायर ब्रिगेड के मदद ले काबू पाइस. मामला म एक चालक पकड़े गे हे, उहें दूसरा चालक मउका के फायदा उठाके भागे म सफल रिहिस.
गांव वाला मन ले मिले जानकारी के अनुसार, गौ तस्करी के ये गौरखधंधा कई दिन ले चलत रिहिस. बरसात अउ आउटर एरिया के फायदा उठाके तस्कर पुलिस अउ गांव वाला मन ल धोखा दे म सरलग सफल होवत रिहिस. लेकिन रविवार के देर रात खरोरा तिर ग्राम भरवाडीह अउ मोहरेंगा के बीच गांव वाला मन ह घेराबंदी करके 407 व छोटा हाथी वाहन ल रोकिस अउ ओमा ले जावत करीब 25 जानवर मन ल आजाद कराइस.
