नारायणपुर जिला के 196 गाँव म अक्षय ऊर्जा ले होइस अंजोर
नारायणपुर, 15 जुलाई 2020। भारत के पहिली प्रधानमंत्री स्व. राजीव गांधी ह भारत के नवनिर्माण के जऊन सपना संजोए रहिन, वो आज प्रदेश के अंदरूनी पहुंचविहीन दूर-दराज के गांव मन म देखे ल मिलत हे। खासकर अक्षय ऊर्जा के क्षेत्र म छत्तीसगढ़ देस म अपन खास पहिचान बनाए लगे हे। अक्षय ऊर्जा के प्रभाव भौगोलिक हालत वाले जनजाति बाहुल्य क्षेत्र के दूर-दराज गांव मन के घर मन म देखे ल मिलत हे। एखर बदौलत आज ऊंखर घर मन ल रोशन करे जात हे। जनजाति क्षेत्र नारायणपुर जिला के आदिवासी मन के घर सौर ऊर्जा ले चमकत हे। ए आदिवासी बस्ति मन म नवा दौर के अहसास होवत हे। इहां के गांव वाले मन के कहना हे के हमन सपना म घलोक नइ सोचे रहेन के पहाड़ अऊ दूर-दराज के ईलाका मन म बसे ऊंखर घर-मोहल्ला अऊ गांव म रोशनी के छटा बगरही। आज घर मन म सौर ऊर्जा के बिजली ले जगमग ह गांव वाले मन बर खुसी के माहौल रचत हे। एखर बर ओ मन प्रदेस के मुख्यमंत्री श्री भूपेश बघेल ल साधुवाद देवत हें। काबर के उमन ए अंदरूनी क्षेत्र के आदिवासी मन के घर म उजियारा करे हें।
