रायपुर, 26 दिसम्बर 2023। माता सुंदरी पब्लिक स्कूल, रायपुर म आयोजित वीर बाल दिवस म आयोजित कार्यक्रम म मुख्यमंत्री श्री विष्णु देव साय ह सभा ल सम्बोधित करत कहिन कि आज हमर सौभाग्य हे कि हम सबो इहां वीर बाल दिवस मनाए सकलाए हन। उमन कहिन के आज के दिन गुरु गोविंद सिंह जी के दुनों साहिबजादाामन के शहादत के दिन ये। छै अऊ नौ साल के उम्मर म दुनों वीर मन ल शहादत मिलीस मुगल मन के दबाव के बाद घलोक उमन कुर्बानी चुनिन, सिख समाज के इतिहास अइसन कुर्बानी मन ले गौरवशाली बने हे। श्री साय ह कहिन कि सिख समाज के दसवां गुरु गोविंद सिंह के साहिबजादाामन ह हार नइ मानिन, ते पाए के ओ मन ल दीवार म चुनवा दे गीस। ओ मन ल देश के इतिहास म जगा नइ मिलीस फेर हम पीएम मोदी ल धन्यवाद देवत हन जे मन देश दुनिया म साहिबजादाामन ल याद रखे बर वीर बाल दिवस के रूप म आज के दिन मनाए के ऐलान करिन।
मुख्यमंत्री श्री साय ह कहिन कि ये स्कूल के नामकरण वीर साहिबजादा के माता, माता सुंदरी के नाम म होय हे। मोर बहुत शुभकामना हे कि ये स्कूल लगातार तरक्की करय। श्री साय ह कहिन कि प्रधानमंत्री श्री नरेंद्र मोदी के गारंटी म हमन जेन वादा करे हन, ओला हमर सरकार पांच साल म पूरा खच्चित करही। ये गारंटी ल पूरा करत हमर सरकार बनतेच हमन 18 लाख मनखे मन ल मकान देहे के निर्णय लेहेन अऊ सुशासन दिवस म 12 लाख ले जादा किसान मन के खाता म 3700 करोड़ रुपिया ले जादा के राशि ट्रांसफर कर देहे हन।
