गोण्डवाना भवन म डोम बनाए ब 50 लाख रूपिया के करिस घोषणा
रायपुर, 24 जून 2023
मुख्यमंत्री श्री भूपेश बघेल आज जिला मुख्यालय दुर्ग म केंद्रीय गोंड महासभा धमधागढ़ के तत्वाधान म आयोजित रानी दुर्गावती बलिदान दिवस समारोह म मुख्य अतिथि के रूप म संघरिस। ओ ह रानी दुर्गावती के तैलचित्र म माला पहिरा के श्रद्धा के फूल अर्पित करिस। कार्यक्रम म मुख्यमंत्री ह समाज के अध्यक्ष के करे गए मांग के बारे म बतात हुए गोण्डवाना भवन दुर्ग म डोम बनाए ब 50 लाख रूपिया ले राशि के घोषणा करिस।
मुख्यमंत्री श्री बघेल ह समारोह ल सम्बोधित करत हुए कहिस कि जे समाज अपन अतीत के जानकारी नई राखय ओ ह विकास ले दुरिहा होवत जाथे। आज आदिवासी समाज अपन गौरवशाली अतीत ल स्मरण कर वीरांगना रानी दुर्गावती के बलिदान दिवस क ओला श्रद्धांजली अर्पित करत हे। रानी दुर्गावती समाज कल्याण ब अपन प्रान त्याग के इतिहास म अमर हो गए हे। ओ ह कहिस कि सरकार आदिवासी मन के संस्कृति ल सहेजे के बुता करत हे। समाज के रीति नीति, देवी-देवता मन के मठ ल संरक्षित कर के विकसित करे जाथ हे।
मुख्यमंत्री ह कहिस कि आदिवासी पुजारी मन ब मानदेय राशि के व्यवस्था करे गय हे। राष्ट्रीय आदिवासी नृत्य महोत्सव ले समाज ल देश दुनिया म पहिचान मिलिस हे। मुख्यमंत्री ह कहिस कि प्रकृति ल बचाए ह सरकार ह बुता करत हे। आर्थिक विकास ब वनोपज के वाजिब दाम के व्यवस्था करे गए हे।समाज के विकास ब शिक्षा म जोर देत हुए सरकार कती ले आदिवासी क्षेत्र म शासकीय आत्मानंद स्कूल के व्यवस्था करे गय हे। नक्सली क्षेत्र म 300 बंद स्कूल ल फेर से खोले गए हे। बस्तर म मलेरिया मुक्त अभियान के बने परिणाम मिलत हे। सरकार समाज के जम्मो वर्ग के विकास के संग समता मूलक समाज के स्थापना करे के प्रयास करत हे। जम्मो समाज ब भुइयां अउ राशि के व्यवस्था करे जाथ हे। ओ ह कहिस कि जे समाज करा भुइयां हे ओला सरकार ज भवन आदि बनाए ब राशि प्रदान करत हे।
केंद्रीय गोड़ महासभा धमधागढ़ के अध्यक्ष श्री एम.डी. ठाकुर ह अपन स्वागत भाषण म गोंडवाना समाज के इतिहास म विस्तारपूर्वक प्रकाश डारिस। ओ ह समाज के विभिन्न मांग कती मुख्यमंत्री जी के ध्यान आकृष्ट करिस। समारोह ल विधायक श्री अरुण वोरा ज घलो सम्बोधित करिस। ए अवसर म समाज के पदाधिकारी श्री निलकंठ गढ़े, श्री सीताराम ठाकुर, श्री राजेश ठाकुर, श्री विष्णु देव ठाकुर समेत बडे़ संख्या म समाज के लोग मन संघरे रहिस हे।
neha rathore