रायपुर, 07 मई 2020। मुख्यमंत्री श्री भूपेश बघेल ह विशाखापट्नम के केमिकल प्लांट म होए गैस रिसाव हादसा म मनखे मन के मृत्यु उपर गहरा दुख प्रकट करे हें। मुख्यमंत्री ह मृतक मन के परिजन मन के प्रति अपन संवेदना प्रकट करत ए घटना म प्रभावित मनखे मन के लउहे स्वास्थ्य लाभ के कामना करे हें। मुख्यमंत्री श्री बघेल ह छत्तीसगढ़ के रायगढ़ के तेतला गांव स्थित एक निजी पेपर मिल म जहरीला गैस के रिसाव ले मजदूर मन के बीमार होए के घटना म घलोक चिंता प्रकट करत कहिन के लाकडाउन के बाद फेर शुरू करे जात कारखाना मन म सुरक्षा संबंधी सबो एहतियाती उपाय मन के गंभीरतापूर्वक पालन सुनिश्चित करे जाना चाही। उमन गैस रिसाव ले प्रभावित सबो मजदूर मन ल बेहतर से बेहतर इलाज के सुविधा उपलब्ध कराए के निर्देश अधिकारी मन ल देहे हें।
मुख्यमंत्री ह विशाखापट्नम गैस रिसाव दुर्घटना म गहिर दुख व्यक्त करिन
