मुख्यमंत्री श्री विष्णु देव साय ह विधानसभा म करिन बड़का घोषणा

रायपुर, 15 फरवरी 2024। मुख्यमंत्री श्री विष्णु देव साय ह आज विधानसभा म माओवादी आतंक प्रभावित क्षेत्र मन के गांव मन बर ‘नियद नेल्लानार योजना’ अर्थात ‘आपका अच्छा गांव योजना’ चालू करे के बड़का घोषणा करिन। ए योजना के तहत माओवादी आतंक प्रभावित क्षेत्र मन म चालू करे गए 14 नवा कैंप मन के 5 किलोमीटर के परिधि के गांव मन म 25 ले जादा मूलभूत सुविधा उपलब्‍ध कराए जाही। संगेच ए गांव मन के गांव वाले मन ल शासन के 32 व्यक्तिमूलक योजना मन के लाभ देवाए जाही। नवा कैम्प पुलिस के ही नहीं विकास के घलोक कैम्प होही।
मुख्यमंत्री श्री साय ह कहिन कि ए योजना बर 20 करोड़ रूपिया के अकतहा बजट के प्रावधान करे गए हे, कहूं भविष्य म केन्द्र अउ राज्य ले अऊ बजट के जरूरत होही त राज्य सरकार उहू उपलब्‍ध कराए बर प्रतिबद्ध होही। योजना मन के सतत लाभ के मूल्यांकन अऊ मानिटरिंग बर डैश बोर्ड तैयार करे जात हे जेखर माध्यम ले एखर सरलग समीक्षा करे जाही अऊ ठउका करे जाही कि कोनो परिवार ए योजना के लाभ उठाए ले वंचित झन रह पाए।