रायपुर, 20 सितंबर 2024। छत्तीसगढ़ के मुख्यमंत्री श्री विष्णुदेव साय के सुशासन ले हमन ल बने जम्मो योजना मन के लाभ मिले लगे हे। मोर आधार कार्ड बने ले अब में आन योजना मन के लाभ घलोक लेवत हंव। ये कहना हे ओ पहाड़ी कोरवा महिला श्रीमती झुलसी कोरवा के, जेन अपन परिवार ल आर्थिक रूप ले मजबूत बनाए म सहयोग देवत हे। बलरामपुर जिला के विकासखण्ड राजपुर अंतर्गत ग्राम पंचायत कर्रा निवासी श्रीमती झुलसी कोरवा ह बताइस के मुख्यमंत्री श्री विष्णुदेव साय के सरकार ह महिला मन ल आर्थिक रूप ले आत्मनिर्भर बनाए खातिर कई योजना लागू करे हे। इही योजना मन म ले एक हे महतारी वंदन योजना। जेखर से महिला मन सशक्तिकरण के दिशा म आगू बढ़ के परिवार म अपन भूमिका ल मजबूत करत हे। ओ ह कहिस के वोखर पास पहिली आधार कार्ड घलोक नइ रहिस। फेर शासन-प्रशासन के उदीम ले आधार कार्ड बन जाय ले काफी सहूलियत हो गए हे। अब मोला हर महिना राशन मिले लगे हे, महतारी वंदन योजना के लागू होए ले अब हर महीना मोर खाता म एक हजार रुपिया अवत हे जेखर से में घर के छोट-मोट जरूरत मन ल पूरा करत हंव। अब परिवार म म घलोक निजी जरूरत, घरेलू जरूरत अउ दैनिक उपयोग के चीज मन के खरीदी अउ आन जरूरत मन के पूर्ति करे म हमन सक्षम होए हन।
विष्णु के सुशासन के संग पहाड़ी कोरवा क्षेत्र मन के होवत हे विकास
