जनसेवा ही हमर परम धर्म हे: श्रीमती राजवाड़े
रायपुर, 30 जुलाई 2024। जनसेवा ही हमर परम् धर्म हे अऊ हम आमजन के जीवन म खुसी लाय खातिर बाना उंचाए हवन। ये बात अपन शासकीय निवास म जनदर्शन के समय महिला अउ बाल विकास अउ समाज कल्याण मंत्री श्रीमती लक्ष्मी राजवाड़े ह कहीन। आज उमन अपन रायपुर स्थित शासकीय आवास कार्यालय म जनदर्शन कार्यक्रम म प्रदेश ले आए आम जनता के समस्या मन ल सुनिन अऊ निराकरण बर अधिकारी मन ल निर्देश दीन। जनदर्शन म ग्राम बदनाचुआ, विकासखंड पंडरिया जिला कबीरधाम ले आए आदिवासी भाई बहिनी मन के समस्या सुनीन अऊ जल्दी निराकरण बर अधिकारी मन ल निर्देशित करिन।
श्रीमती राजवाड़े ह कहिन कि हमर सरकार के ध्येय हे कि प्रदेश के आखरी मनखे तक विकास पहुंचय। ओ मन ल सबो योजना मन के लाभ मिलय। सबो के समस्या मन के जल्दी निराकरण होवय। विष्णु के सुशासन म सशक्त नारी सशक्त छत्तीसगढ़ के निर्माण करना हे अऊ देश ल विकसित राष्ट्र बनाए म अपन बहुमूल्य योगदान देना हे। मंत्री श्रीमती राजवाड़े ह कहिन कि विष्णु के सुशासन म प्रदेश के कोनो वर्ग के मनखे मन ल समस्या झन होवय एखर जिम्मेदारी हम सबो जनप्रतिनिधि मन के हे।
