राज्यपाल श्री हरिचंदन ह श्री विष्णुदेव साय ल मुख्यमंत्री नियुक्त करके केबिनेट गठन बर आमंत्रित करिन

रायपुर, 11 दिसंबर 2023
नवा सरकार बनाए बर अपन दावा प्रस्तुत करिन। वरिष्ठ प्रशासनिक अधिकारीगण उपस्थित रहिन
राज्यपाल श्री विश्वभूषण हरिचंदन ल कालीसंझां राजभवन म छत्तीसगढ़ राज्य भारतीय जनता पार्टी के प्रदेश अध्यक्ष श्री अरूण साव ह साल 2023 के छत्तीसगढ़ राज्य नव गठित विधानसभा के अपन नव निर्वाचित विधायक मन के सर्वसम्मति ले, प्रदेश विधायक दल के नेता श्री विष्णुदेव साय ल चुने के चिट्ठी सौंपिन अऊ नवा सरकार बनाए बर अपन दावा प्रस्तुत करिन।
राज्यपाल श्री हरिचंदन ह श्री विष्णुदेव साय ल बधाई अउ शुभकामना दीन। उमन भारत के संविधान के धारा 164 के तहत श्री विष्णुदेव साय ल मुख्यमंत्री नियुक्त करे संबंधि चिट्ठी दीन अऊ केबिनेट गठन बर आमंत्रित करिन।
ये बेरा म केंद्रीय मंत्री श्री अर्जुन मुंडा, श्री सर्वानंद सोनोवाल, श्री मनसुख मांडविया, श्री ओम माथुर संग नवनिर्वाचित विधायक, पदाधिकारीगण अउर वरिष्ठ प्रशासनिक अधिकारीगण उपस्थित रहिन।