रइपुर 9 अगस्त 2021 सम्मार। मुख्यमंत्री दाउ भूपेश बघेल ह विश्व आदिवासी दिवस के बेरा म अपन घरू कार्यलय म होवइया वर्चुअल कार्यक्रम म प्रयास आदर्श आवासीय विद्यालय, एकलव्य आदर्श आवासीय विद्यालय अउ जिला मन के स्थानीय प्रकल्प ले आईआईटी, एनआईटी, ट्रिपल आई.टी. अउ मेडिकल कालेज मन म प्रवेशित कुल 83 झिन छात्र-छात्रा मन ल सम्मानित करीन। मुख्यमंत्री ह ये पढ़इयाा मन म ले अनुराग लकड़ा, संदीप कुमार तिग्गा, कु. ज्योति रउतिया अउ कु साक्षी भगत ल अपन घरू कार्यालय म अउ बाचे 79 पढ़इया मन ल वर्चुअल रूप ले सम्मानित करीन। ये जम्मो पढ़इया मन ल ये बेरा म लेपटाप बर 50-50 हजार रूपिया के अनुग्रह राशि तको देहे गइस।
जानबा होवय कि बछर 2021 के जेईई एडवांस परीक्षा ले आईआईटी म प्रवेशित अनुराग लकड़ा (वर्तमान में आईआईटी, खडगपुर म पढ़त) अउ संदीप कुमार तिग्गा (आईआईटी बीएचयू म पढ़त) प्रयास आवासीय विद्यालय, सडडू, रायपुर के छात्र हवय, जबकि कु. ज्योति रउतिया (नीट2000 क्वालीफाई अउ मेडिकल कॉलेज, रायपुर म प्रवेशित) अउ कु साक्षी भगत (मेडिकल कॉलेज, अंबिकापुर म प्रवेशित) प्रयास कन्या आवासीय विद्यालय, गुढियारी, रइपुर के छात्राएं हवय। ये बेरा म मुख्यमंत्री के घर म गृहमंत्री श्री ताम्रध्वज साहू, खाद्य मंत्री श्री अमरजीत भगत, अनुसूचित जाति अउ जनजाति विकास मंत्री डॉ. प्रेमसाय सिंह टेकाम, वन मंत्री श्री मोहम्मद अकबर, संसदीय सचिव श्री द्वारिकाधीश यादव, मुख्यमंत्री के सलाहकार श्री राजेश तिवारी, मुख्यमंत्री के अपर मुख्य सचिव श्री सुब्रत साहू, प्रधान मुख्य वन संरक्षक अउ वन बल प्रमुख श्री राकेश चतुर्वेदी संग बढ़का प्रशासनिक अधिकारी संघरे रिहिन।
प्रयास विद्यालय- मुख्यमंत्री बाल भविष्य सुरक्षा योजना के एक ठो महत्वपूर्ण घटक हरे, एकर अंतर्गत प्रदेश के नक्सल प्रभावित जिल मन के हुसियार छात्र/छात्रा मन ल कक्षा 9वीं ले 12वीं तक अध्यापन के संगे-संग जे.ई.ई. मेन-एडवांस), नीट, पी.ई.टी., क्लेट, सी. ए. आदि प्रतियोगी परीक्षा मन के कोचिंग देहे जाथे। अभीन 09 प्रयास विद्यालय रइपुर, दुरूग, बेलासपुर, सरगुजा, कांकेर, बस्तर, कोरबा अउ जशपुर जिला म संचालित हवय, जेमें कुल 4120 सीट स्वीकृत हवय। अब तक ये विद्यालय मन ले 70 छात्र आई.आई.टी. 221 छात्र एन.आई. टी. अउ ट्रिपल आईटी अउ 772 विद्यार्थी इंजीनियरिंग कालेज मन म अउ 39 विद्यार्थी मेडिकल कालेज मन म प्रवेश बर चयनित हो चुके हवयं।
अइसनेहे अनुसूचित जनजाति के विद्यार्थी मन के गुणवत्तापूर्वक शिक्षा उपलब्ध कराके सामान्य जाति के विद्यार्थी मन के समकक्ष लाना,ओमे प्रतिस्पर्धा के भावना जागृत करके प्रतियोगी परीक्षा मन म सफल होवय, एकर बर एकलव्य आदर्श आवासीय विद्यालय प्रारंभ करे गेे हवय। शिक्षण सत्र 2020-21 म कुल 71 एकलव्य आदर्श आवासीय विद्यालय प्रदेश म कक्षा 6वीं ले 12वीं तक संचालित हवय। येमें प्रति कक्षा 60 विद्यार्थी मन के मान ले प्रत्येक विद्यालय म 420 बच्चा मन ल प्रवेश देहे के प्रावधान हे। ये शिक्षण सत्र ले 04 नवा एकलव्य विद्यालय प्रारंभ करे के स्वीकृति बर प्रस्ताव भारत सरकार ल भेजे गे हवय। ये प्रकार ले अब एकलव्य विद्यालय मन के संख्या बाढ़के 75 हो जाही।
