मुंगेली, जिला म विश्व एड्स दिवस बड़ धूम धाम के संग मनाए गीस। जेमा एड्स बिमारी ल बचाय बर जन जागरूकता रैली निकले रहिस। अस्पताल म गोष्ठी कार्य्रक्रम होइस जेमा मिलजुल के एड्स बीमारी ल दूर भगाय बर अउ मरीज मन संग बिना भेदभाव करे अउ बढ़ीयां व्यवहार करे के बात उठाये गीस। स्कुल के एनएसएस अउ एनसीसी के लइका मन घलव रैली निकाल के मनखे मन ल जागरूक करिन। एड्स के प्रचार बर प्रतियोगिता अउ रक्त दान जइसे कई ठन कार्यक्रम मुगेली म आयोजित होइस।
परियोजना संचालक महोदय के निर्देशानुसार प्रभारी मुख्य चिकित्सा अधिकारी डॉ कमलेश खैरवार, DPM श्री उत्कर्ष तिवारी, प्रभारी नोडल अधिकारी डॉ कृपाल सिंह कँवर, जिला एड्स नियंत्रण समिति मुंगेली के द्वारा विश्व एड्स दिवस के अवसर पर कई ठन जनजागरूकता कार्यक्रम के आयोजन करे जात हे। प्रथम चरण म काल दिनांक 30 अक्टूबर के शासकीय बी आर साव उच्च. माध्य. विद्यालय के राष्ट्रीय सेवा योजना अउ एन सी सी के स्वयंसेवक मन के संग जन जागरूकता रैली के आयोजन करे गीस। जेमा HIV /AIDS सम्बंधित नारा लगात चौक चौराहा मन के भ्रमण करे गीस। वापस स्कुल म पहुंचके HIV/AIDS,STI,RTI, किशोर स्वास्थ्य ले सम्बंधित जानकारी देहे गीस।
1 दिसम्बर के बिहनिया 9 बजे घलव जिला स्तरीय जनजागरूकता रैली के आयोजन करे गीस जेमा जिला एड्स नियंत्रण समिति, RNTCP, स्वास्थ्य विभाग, मितानिन, अहाना स्टाफ अउ TI प्रोजेक्ट ले NGO स्टॉफ के भागीदारी रहिस। रैली में HIV एड्स, गुप्त रोग, रक्तदान ले सम्बंधित नारा लगात पाम्पलेट बांटे गीस। कारण अउ बचाव अउ जन भागीदारी ले मुंगेली म जागरूकता लाए बर जानकारी दे गीस। रैली के बाद
जिला चिकित्सालय मुंगेली म परिचर्चा कार्यक्रम के आयोजन 11 बजे ले करे गीस। जेमा डॉ कृपाल सिंह कँवर प्रभारी नोडल अधिकारी, डॉ सिदार सर (MD MEDICINE) कोति ले विश्व एड्स दिवस म उपस्थित कर्मचारी मन ल जानकारी देहे गीस अउ कार्यस्थल म बिना भेदभाव के मरीज मन ले बने व्यवहार करे, गोपनीयता बनात अपन काम करे ल कहे गीस।
मुंगेली ले दिलीप कुमार बसंत के खबर
