विश्व ल योग भारत के देन -राज्यपाल श्री हरिचंदन

सब्बो विश्वविद्यालय योग के गतिविधि ल करव शामिल – श्री हरिचंदन
राजभवन म निजी विश्वविद्यालय के समीक्षा बैठक सम्पन्न
रायपुर, 26 जुलाई 2023
राज्यपाल अउ कुलाध्यक्ष श्री विश्वभूषण हरिचंदन ह आज राज्य के सब्बो निजी विश्वविद्यालय के समीक्षा बैठक लेके उकर शैक्षणिक गतिविधि, अनुसंधान कार्य अउ दूसर कार्य के समीक्षा करिस। राज्यपाल ह कहिस कि योग विश्व ल भारत के देन हे। छात्र जीवन म शारीरिक अउ मानसिक स्वास्थ्य ब विश्वविद्यालय म योग के गतिविधि संचालित करव। राज्यपाल ह जम्मो कुलपति मन ल संबोधित करत हुए कहिस कि प्रधानमंत्री श्री नरेंद्र मोदी जी के प्रयास ले भारत के योग ल पूरा दुनिया म पहिचान मिलिस अउ पूरा दुनिया म अंतरर्राष्ट्रीय योग दिवस मनाय जाए लगिस। भारत ह विश्वगुरू बने के दिशा म आघू कदम बढ़ाइस। क ह कहिस के योग ले तन अउ मन स्वस्थ होही अउ युवा पीढ़ी अपन पूरा क्षमता के संग देश के निर्माण म समर्पित होही। बैठक म उच्च शिक्षा विभाग के सचिव श्री सिद्धार्थ परदेसी ,राज्यपाल के सचिव श्री अमृत खलखो, छत्तीसगढ़ निजी विश्वविद्यालय नियामक आयोग के चेयरमेन डॉ. उमेश मिश्रा अउ सब्बो निजी विश्वविद्याल के कुलपति उपस्थित रहिस हे।
Neha Rathore