- मुख्यमंत्री ह राजधानी रायपुर के सकरी म छत्तीसगढ़ के सबले बड़का ठोस अपशिष्ट प्रसंस्करण संयंत्र के करिन ई-लोकार्पण
- संयंत्र म रोज 500 टन कचरा के वैज्ञानिक पद्धति ले होही निपटान
- कचरा ले बनही खाद, सीमेंट कारखाना मन बर मिलही सहायक ईंधन
- करीबन 197 करोड़ रूपिया के लागत के प्रोजेक्ट म 127 करोड़ ले तियार होय हे वृहद ठोस अपशिष्ट प्रसंस्करण संयंत्र
- रायपुर के पर्यावरण होही अऊ बेहतर: पीपीपी मोड म होही काम
- प्रोजेक्ट म 6 मेगावाट बिजली उत्पादन के योजना घलोक प्रस्तावित
रायपुर, 24 जून 2020। मुख्यमंत्री श्री भूपेश बघेल ह आज रायपुर नगर निगम कोति ले निर्मित छत्तीसगढ़ के वृहद ठोस अपशिष्ट प्रसंस्करण संयंत्र के रायपुर निवास कार्यालय ले वीडियो कॉन्फ्रेंसिंग के संग ई-लोकार्पण करिन। मुख्यमंत्री ह बटन दबाके ग्राम सकरी म करीबन 127 करोड़ रूपिया के लागत ले निर्मित संयंत्र ल जनता ल समर्पित करिन। छत्तीसगढ़ के ये सबले बड़े ठोस अपशिष्ट प्रसंस्करण संयंत्र म रोज 500 टन कचरा के वैज्ञानिक पद्धति ले निपटान करे जाही। ये पूरा परियोजना के लागत 197 करोड़ रूपिया हे। ये संयंत्र पीपी माडल म काम करही। ये संयंत्र म कचरा ले खाद बनही अऊ सीमेंट कारखाना बर सहायर्क इंधन घलोक मिलही। ये संयंत्र म 6 मेगावाट बिजली उत्पादन घलोक प्रस्तावित हे। 15 साल के ये परियोजना म नगर निगम रायपुर अऊ नई दिल्ली के एम एस डब्ल्यू साल्यूशन लिमिटेड मिलके काम करत हे। परियोजना म हर घर अऊ दुकान ले डोर-टू-डोर कचरा के संग्रहण, परिवहन, प्रोसेसिंग अऊ डिस्पोजल के व्यवस्था करे गए हे।
