25 हजार बिस्तर के व्यवस्था के हुकुम, प्रदेश म अभी 157 सेंटर स्थापित
रायपुर, 2 अगस्त 2020। कोरोना संक्रमण के बिना लक्षण अऊ हल्का लक्षण वाले मरीज मन के इलाज बर कोविड केयर सेंटर्स म करीबन 25 हजार बिस्तर के इंतजाम करे जात हे। अभी हाल म प्रदेश के 157 कोविड केयर सेंटर्स म 18 हजार 598 बिस्तर के व्यवस्था हे। राज्य शासन ह सबो कलेक्टर मन ल अपन जिला बर निरधारित लक्ष्य मुताबिक आइसोलेशन सेंटर्स (कोविड केयर सेंटर) म बिस्तर के जल्दी व्यवस्था के हुकुम देहे हे। प्रदेश के 29 विशेषीकृत कोविड-19 अस्पताल मन म 3384 मरीज मन के इलाज के व्यवस्था हे।
बालोद जिला के कोविड केयर सेंटर्स म 1055, बलौदाबाजार-भाटापारा, बेमेतरा अऊ कांकेर म 550-550, बलरामपुर-रामानुजगंज म 500, बस्तर म 1250, बीजापुर म 80, बिलासपुर म 687, दंतेवाड़ा म 582, धमतरी म 475, दुर्ग म 1574, गरियाबंद म 235, गौरेला-पेंड्रा-मरवाही अऊ जांजगीर-चांपा म 200-200, जशपुर म 535, कबीरधाम म 460, कोंडागांव म 181, कोरबा म 650, महासमुंद म 240, मुंगेली म 434, नारायणपुर म 100, रायगढ़ म 1000, रायपुर म 4350, राजनांदगांव म 310, सुकमा म 825, सूरजपुर म 250 अऊ सरगुजा जिला म 730 बिस्तर उपलब्ध हे। धमतरी जिला म 16, रायपुर, जशपुर अऊ सरगुजा म 11-11 अउर बालोद, बिलासपुर अऊ कोरिया म दस-दस कोविड केयर्स संचालित हे।
