नई दिल्ली, चाइना के मोबाईल फोन कंपनी वीवो वी 15 प्रो (Vivo V15 Pro) के सक्सेसर फोन वीवो वी 17 प्रो (Vivo V17 Pro) जल्दीच भारत म लॉन्च करे जाही। ये फोन ल कुछ दिन पहिली बिग बॉस के टीजर म देखे गए रहिस। माने जात हे कि भारत म ये फोन इही महीना लॉन्च करे जाही। कंपनी वीवो Z1X के लॉन्चिंग 6 सितंबर के दिन होही अइसे खबर आवत हे। ये फोन के लॉन्चिंग के कुछ दिन बाद वीवो वी 17 लॉन्च करे जा सकत हे। फोन के सल्टाए फोटू ले पता चलथे कि ये फोन दू रंग म मिलही।
ड्यूल फ्रंट कैमरा सेटअप
वीवो V17 प्रो के सबले बड़का खूबी एकर फ्रंट कैमरा होही। फोन ड्यूल फ्रंट कैमरा सेटअप ले लैस होही। ये दुनिया के पहिली ड्यूल फ्रंट कैमरा सेटअप फोन होही। ये सेटअप म प्राइमरी सेल्फी कैमरा 32 मेगापिक्सल के होही।
ये फोन म कुल 6 कैमरा होही
ये फोन के पाछू म 4 अऊ आगू म 2 कैमरा होही। मने फोन म कुल 6 कैमरा देहे जात हे। कैमरा सेटअप के बारे म अऊ जादा जानकारी अभी पता नी चले हे। 6 कैमरा वाला ये कंपनी के पहिली फोन होही।
48 या 64MP के हो सकत हे रियर कैमरा
क्वॉड कैमरा सेटअप के बीच म एलईडी फ्लैश घलोक दे गए हे। बाकी कैमरा के बारे म जहां जानकारी जादा नइ हे उन्हें ये माने जात हे कि डिवाइस के प्राइमरी कैमरा 48 मेगापिक्सल के हो सकत हे। तभो ले, वीवो अपन लेटेस्ट डिवाइस म सैमसंग के 64 मेगापिक्सल सेंसर घलोक प्राइमरी कैमरा म दे सकत हे।
