रायपुर, 3 सितमबर, 2024। उपमुख्यमंत्री श्री विजय शर्मा ह कबीरधाम जिला के प्रवास के समय जिला के 59 मेघावी पढ़ईया लईका मन ल स्वेच्छा अनुदान ले 3 लाख 45 हज़ार के चेक प्रदान करिन। कबीरधाम जिला के 59 मेघावी छात्रा मन के हौसला ल उड़ान मिलीस। एमे कक्षा दसवीं के 49 मेघावी विद्यार्थी ल 5-5 हजार रुपए के प्रतिमान ले 2 लाख 45 हजार रुपए अऊ कक्षा बारहवीं के 10 मेघावी पढ़ईया लईका मन ल 10-10 हजार रुपए के प्रतिमान ले 1 लाख रुपिया के चेक प्रदान करे गीस। उपमुख्यमंत्री श्री शर्मा ह कलेक्ट्रेट के सभा कक्ष म आयोजित एक कार्यक्रम म चेक प्रदान करे गीस।
उपमुख्यमंत्री श्री शर्मा ह पढ़ईया लईका मन ल आगू बढ़े अऊ आईएएस, आईपीएस, राज्य प्रशासनिक सेवा के उच्च पद म जाय अऊ डॉक्टरी अउ इंजीनियरिंग के क्षेत्र मन म बेहतर कैरियर निर्माण बर मनोबल बढ़ाइन। उमन पढ़ईया लईका मन ल आगू बढ़े के सीख दीन अऊ कहिन कि कड़ा मेहनत ले ही हम सकारात्मक दिशा म आगू बढ़ सकत हन। सफलता के कोनो शार्ट कट नइ होवय। उपमुख्यमंत्री ह कहिन के आगू बढ़े बर बेहतर संगति घलोक महत्वपूर्ण भूमिका निभाथे। हमला नशा ले दूर रहना होही। अच्छा किताब अऊ साहित्य के नियमित अध्ययन करना चाही। ए अवसर म पढ़ईया लईका मन ह उपमुख्यमंत्री श्री विजय शर्मा के आभार व्यक्त करत छत्तीसगढ़ सरकार ल धन्यवाद दीन।
