बीजापुर म वारंटी नक्सली गिरफ्तार, हत्या, लूट सहित कई घटना मन रिहिस शामिल

बीजापुर, 10 अगस्त 2020। बीजापुर जिला म पुलिस ह आज बड़का घटना मन म शामिल एक नक्सली ल गिरफ्तार करे हे. गिरफ्तार नक्सली के खिलाफ हत्या, लूट अउ बम ब्लास्ट म शामिल होय के आरोप हे. पुलिस ह बताइस कि सोमवार के थाना भैरमगढ़ ले जिला बल के टीम माओवादी विरोधी अभियान अउ एरिया डॉमिनेशन म डालेर, घुडसाकल के डाहर निकले रिहिस. इही बीच मुखबिर ले मिले सूचना के आधार म थाना भैरमगढ़ म माओवादी माड़वी सोमारू पिता माड़वी मुड़ो (31 वर्ष) ग्राम डालेर, पातरपारा (जन मिलिशिया सदस्य) ल पकड़े म सफलता मिलिस. पकड़े गे माओवादी माड़वी सोमारू के खिलाफ थाना भैरमगढ़ म 5 स्थाई वारंट लंबित रिहिस. फिलहाल न्यायिक रिमाण्ड म न्यायालय म पेश करे गिस.