लॉकडाउन म बेचत रहिस शराब, साइबर सेल के टीम ह आरोपी ल पकड़ीस रंगेहाथ

रायपुर, 11 अप्रैल 2021। लॉकडाउन म शराब बेचत साइबर सेल के टीम ह आरोपी ल रंगेहाथ पकड़े हे। आरोपी थाना खमतराई क्षेत्र के शिवानंद नगर स्थित श्रीकृष्णा विहार कॉलोनी म अवैध रूप ले शराब बेचत पकड़ा गए हे। पुलिस के अनुसार आरोपी निरंजन हेम्ब्रोम ऊर्फ नीलू (29) निवासी श्रीकृष्णा विहार कॉलोनी शिवानंद नगर थाना खमतराई के रहइया हे। आरोपी के कब्जा ले 48 पौवा देशी शराब, 4 पौवा अंग्रेजी शराब अऊ 7 बॉटल बीयर जब्त करे गए हे। आरोपी के कब्जा ले शराब के बिक्री के 8,800 रुपिया घलो जब्त करे गए हे। आरोपी के खिलाफ थाना खमतराई म धारा 34(2) आबकारी एक्ट के तहत मामला दर्ज करे गए हे। पुलिस के अनुसार अवैध रूप ले शराब के खरीदी/बिक्री/तस्करी अऊ नशा के काला कारोबार करइया कारोबारी मन के खिलाफ रायपुर पुलिस के ये अभियान सरलग जारी रही।